إدلع
يا أسد!
اتساقاً
مع تطور الأمور؛ حل التوك توك أبو موتور، محل الحنطور فب كثير من الأقاليم، و انتشرت
مع ظهور التكاتك (ستيكارات) و شعارات و عبارات على كل شكل و لون، القاسم المشترك الأعظم
فيها؛ يحمل معنى الخوف من الحسد!: (العين صابتني و رب العرش نجاني) (يا رموش العين
سمي و صلي) (ما تبصليش بعين رضية بص للمدفوع فيا) (عينك يا ظالم) (دى مش شفر و لا دبابة
دى رزق الغلابة) (ارحمي يا عين دي جت بعد سلف و دين)... و البعض يكتفى بالمعوذتين
في إشارة واضحة لدرء الحسد و العين، أما الصور المستخدمة فهي الكف و القدم و العيون
و الرموش!.
تأتى في (الهوجة) الثانية أسماء بعض
المسلسلات و الأغاني الأفلام!: (سوق العصر) (الحب كده) (دعاء الكروان) (ملك روحى)
(ذئاب الجبل) (سماره) (سهر الليالى) (سندريلا) (الأفوكاتو) (زيزينيا) (سلام
ياصاحبى) (أفريكانو) (المزاجانجى) (بنت الأكابر) (إتاخدت كتير) (شاولين)... إلخ،
أما الصور المستخدمة فهي القلوب و الكيوبيد و الورود و النجوم و علامة صح ببنط
كبير!.
و يرتدى البعض مسوح الحكمة و الرشاد
فيكتب (الصداقة معناها كبير) (الصبر مفتاح الفرج) (ماقل وكفى خير مما كثر و ألهى)
(دامت لمين؟!) (طول السفر و لا غدر البشر) (9 × الخيـر و لا عشـرة في الشــر)
(ياعم ماشى ليه؟! التوك توك بجنيه)...إلخ،
وصولاً لصيغ الوعيد
و التهديد! و أبرزها (إن عشت
هاذلكم وإن مت ربنه يسهلكم)، (بطل غلاسة ياحمكشه و النبى)، (سواقى جبار بيخلي الأسفلت
يولع نار)، (طول ما أنا غايب ما لكوش أبداً حبايب)، (لو ما بطلتوش كلام هابعها و الله)...
و آخر يكتب بمنطق معاكس: (قال أبعها قال)، (يا سلام لو الناس تبطل كلام)، (إحنا
الأصل و الأساس بنحب كل الناس)!... و الصور المستخدمة تشكيلة أغربها الجماجم و السيوف!.
ثم تنحو الشعارات نحواً طريفاً آخر: (الدلوعة)
(عاوز تتعلم الدلع تعال و أنا أعلمك) (يا دلع دلع) (دلعني يا اسطى فلان يا غالي
ورجعلي جمالي) (ادلع على المطب أخوك في الحب طب) (الحلوة ماشيه بتدلع) (ادلع يا أسد)!...
أما أسماء الأبناء فتكتب بالعربي و الإنجليزي، وأغربها (التوأمان ـ حسن وحسام ـ )...
إلخ... و يظهر التناقض بين المكتوب و الكاتب في: (من كان رزقه على الله فلا يحزن)
(النبي تبسم) ـ و ترى السائق متجهماً و مكتئباً و حزيناً ـ!) (رضا على كده) (لئن
شكرتم لأزيدنكم) ـ و لا يظهر للقناعة أثر على وجه الرجل ـ! (صلي على النبي، الحمد
لله، سبحان الله، بسم الله، يقيني بالله يقيني) ـ و الشراسة و العنف عند بعضهم و سب
الدين مثل سلام عليكم!...
و في عبارة موحية بالشماتة يكتب بعضهم: (راحت
عليك يا حصان)!... حقاً إنه مولد يا دنيا التكاتك، و الكل شايف و ساكت (أمان ربى
أمان)... طيب يا صبر طيب... مع الاعتذار!.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نُشر مقالي هذا في مجلة روزاليوسف عدد [3978] بتاريخ 4/9/2004 صفحة70
نُشر مقالي هذا في مجلة روزاليوسف عدد [3978] بتاريخ 4/9/2004 صفحة70
